رەسپۋبليكا الاڭىندا وپپوزيتسييا وكىلدەرى وسىنى ءمالىم ەتتى

سايلاۋ قورىتىندىسىن مويىنداماعان وپپوزيتسيالىق جسدپ پارتياسى سەيسەنبى كۇنى رەسپۋبليكا الاڭىندا نارازىلىق بىلدىردى. سايلاۋدا كەم دەگەندە 50 پايىز داۋىس جيناعانىن مالىمدەگەن پارتيا بەلسەندىلەرى قارسىلىق رەتىندە سايلاۋ حاتتامالارىنىڭ كوشىرمەلەرىن ورتەدى. بۇل العاشقى نارازىلىق شاراسى ەكەنىن ەسكەرتكەن ساياساتكەرلەر كەلەسى، 28 قاڭتار كۇنى ساعات ون بىردە رەسپۋبليكا سارايىنىڭ الدىندا وتەتىن ميتينگىگە حالىقتى الىپ شىعاتىنىن ايتتى.

تۇسكى ساعات بىرگە جوسپارلانعان رۇقسات ەتىلمەگەن نارازىلىق شاراسىنا بيلىك تاس-ءتۇيىن دايىندالعانى بىردەن اڭعارىلدى. ادەتتە اشىق تۇراتىن تاۋەلسىزدىك مونۋمەنتى قورشالىپ، قور­شال­عان اۋماقتىڭ ىشىنە قار ءۇيىپ تاستاپتى. توڭىرەكتە قۇقىق قورعاۋشىلار تيەلگەن اۆتوبۋستار تۇردى. بىراق بۇل وپپوزيتسيانىڭ ميتينگىسىنە بوگەت بولا المادى. تۇسكى بىردە ءساتبايەۆ پەن جەلتوقسان كوشەسىنىڭ قيىلىسىنان الاڭعا شەرۋمەن بەت العان جسدپ جەتەكشى­لەرىن وتىز شاقتى جۋرناليست قارسى الدى. بۇل ۋاقىتتا تاۋەلسىزدىك مونۋ­مەنتىنىڭ ارتىنداعى الاڭ­قايعا قاراسى ءجۇز ەلۋدەن استام ادام جينالىپ قالعان بولاتىن. وپپوزيتسيا بەلسەندى­لەرىنىڭ نارازىلىق شاراسى سول جەردە جالعاستى.
”حالىقتى جيناپ ميتينگ وتكىزۋ ءۇشىن ەمەس، ادىلەتسىز سايلاۋعا نارازىلىق بىلدىرۋ ءۇشىن كەلگەنىن“ ايتقان جسدپ-نىڭ تەڭ ءتوراعاسى جارماحان تۇياقباي نارازىلىق شاراسىنا پارتيانىڭ ساياسي كەڭەس مۇشەلەرى عانا جينالعانىن ايتتى. پارتيا جەتەكشىسى مۇنى ”حالىقتى قانعا بوكتىر­گىسى كەلمەگەنىمەن“ ءتۇسىندىردى. وسى پار­تيانىڭ تاعى بىر تەڭ ءتوراعاسى بولات ءابىليەۆ 28 قاڭتار كۇنى رەسپۋبليكا سارايىنىڭ الدىندا وتەتىن ميتينگىگە حالىقتى شاقىراتىنىن مالىمدەدى.
”حالىق بىزگە داۋىس بەردى. بىزدىڭ قولىمىزدا 50 پايىزدان استام داۋىس جيناعانىمىزدى راستايتىن حاتتامالار بار. ال بىزگە بولسا بىر پايىز داۋىستى جازىپ بەردى”، -دەگەن ج. تۇياقباي بۇدان بىلاي بيلىكتىڭ ەرەجەسىمەن جۇر­مەيتىنىن كەسىپ ايتتى. ”بيلىكپەن ەندى باسقاشا سويلەسەمىز. الپاۋىت مەملەكەتتەر مەن بەدەلدى شەتەلدىك ۇيىمدار وسى سايلاۋدى زاڭسىز دەپ مويىنداۋىن تالاپ ەتەمىز. بۇل سايلاۋدى ۇيىمداستىرعاندار جاۋاپ­قا تارتىلسىن”.
ادىلەتسىز سايلاۋ ءۇشىن جاۋاپكەرشى­لىك پرەزيدەنت موينىنا جۇكتەلەتىنىن ەسكەرت­كەن بولات ءابىليەۆ وپپوزيتسيا كۇرەستى جال­عاستىراتىنىن مالىمدەدى. ”جەمقورلار مەن مىلجىڭداردىڭ پارتياسىن قۋۋ كەرەك. نازاربايەۆ حالىقتى تىعىرىققا تىرەپ، اپاتقا اپارا جاتىر. بىز بۇل پار­لا­مەنتتىڭ تاراتىلۋىن تالاپ ەتەمىز”، -دەدى ول.
جسدپ پارتياسىنىڭ باس حاتشىسى ءامىرجان قوسانوۆ 15 قاڭتار ەل تاريحىندا قارالى كۇن بولىپ جازىلاتىنىن ايتتى. ”ەلباسى اقىلعا توقتار، حالىقپەن ساناسار، ەڭ بولماعاندا شىندىقتى ايتىپ جۇرگەن جسدپ وكىلدەرى پارلامەنتكە وتەر دەگەن ءۇمىت بولدى. قازىر سول ءۇمىت ءوشتى. حالىقتىڭ بيلىككە دەگەن سەنىمى دە ءوشتى. بۇل كۇنى قا­زاقستاندا دەموكراتيا جەر­لەندى. دالىگەرى، ونى بي­لىك ءولتىر­دى. . . حا­لىق سەن­بەي­تىن بي­لىك ومىر­شەڭ ەمەس، عۇمى­رى قىسقا. بيلىك احۋالدى بارعان سا­يىن ۋشىقتىرىپ جاتقانىن سەزۋى كەرەك. ال بي­لىك پەن حالىق قاقتىعىسقاندا، حا­لىق جەڭەتىنىن بىلۋ كەرەك”.
سودان كە­­يىن ءسوز ال­عان Guljan. org سايتىنىڭ رەداكتورى گۇلجان ەر­عالييەۆا 15 قاڭتار كۇنى قىلمىس جا­ساۋ­مەن اينالىسقان سايلاۋ ۋچاس­كە­لەرىنىڭ ءتوراعالارىن، ورتالىق
گۇلجان ەر­عالييەۆا 15 قاڭتار كۇنى قىلمىس جا­ساۋ­مەن اينالىسقان سايلاۋ ۋچاس­كە­لەرىنىڭ ءتوراعالارىن، ورتالىق سايلاۋ كوميس­سيا­سىن، ”نۇر وتاننىڭ“ باس شتا­بىن، وسى بىلىقتى قامتاماسىز ەتكەن ۇكىمەتتى سوت­قا تارتۋ كەرەك دەدى.
پارتيانىڭ ءتورالقا مۇشەسى مارجان اسپاندياروۆا ۇلتتىق ارنالار حالىققا شىلعي وتى­رىك­تى ايتىپ، كورسەتىپ جاتقانىن سىن­عا الدى. ”حابار“ مەن ”قازاقستان“ وتىرىك ايتىپ جاتىر. وتى­رىك ايتۋدى دو­عارىڭ­دار. ەقىۇ، شەتەلدىك باقىلاۋشىلار جاعىمسىز پىكىر بەردى. ال بۇلار ونى بۇرمالاپ ايتتى”، -دەدى.
وسىدان كەيىن جسدپلىقتار سايلاۋ قورىتىندىسىنا نارازىلىق رەتىندە جۇرت كوزىنشە سايلاۋ حاتتامالارىنىڭ كوشىر­مەلەرىن ورتەدى